
тел.: +7 (840) 226 12 22, 226 46 32
Аԥсуа шәҟәыҩҩы, апоет, ажурналист Иуа Абас-иԥа Коӷониа диижьҭе 121 ш. ҵит хәажәкырамза 13 рзы.
Апоет қәрахьымӡа Иуа Коӷониа диит 1904 ш., Кәтол ақыҭа. Аҟәатәи арҵаҩратә семинариа ашьҭахь дҭалеит Москватәи аҳәынҭқарратә ажурналистикатә институт . Аха, игәамбзира иахҟьаны иԥсадгьыл ахь дхынҳәуеит, иаарласнгьы иԥсҭазаара далҵуеит.
Иҩымҭақәа акьыԥхь рбеит 1920 шықәсазы.
Иуа Коӷониа – алирикатә жәеинраалақәеи апоемақәа аабеи авторс дрымоуп. Дара зегьы аԥсуаа рҵасқәа, рынхашьа-рынҵышьа, аиҩызара, афырхаҵара, аҳаҭырқәҵара, ахьӡи-ахьымӡӷи ирызкуп.
Иара ирҿиара аҟны ахархәара ду рыман амилаҭтә ҿаԥыцтә рҿиамҭақәа, уаантәи иааган амотивқәеи ахаҿсахьақәеи.
Иуа Коӷониа иоуп аԥсуа литератураҿы апоема ажанр хацзыркыз.
Иуа Коӷониа ибаҩхатәра ду алшарақәа зегьы ихы иаирхәартә еиԥш аамҭа имоуит, игәахәтәы дахьнамыгӡеит иԥсынҵры кьаҿ. Насгьы, рхабар ыҟамкәа ибжьаӡит Москва аҵара аниҵоз иаԥиҵаз арҿиамҭақәа. Аха, ус шакәугьы, уи иҭынхеит ԥсра-ӡра зқәым апоемақәеи ажәеинраалақәеи.